WATU MILIONI 1.27 HUFA KILA MWAKA DUNIANI KWA SABABU YA USUGU WA VIMELEA VYA MAGONJWA DHIDI YA DAWA

By Method Chaz Wednesday, 14 December 2022

Share Tweet Share Pin Email

 

 

 

Mamlaka ya dawa na vifaa tiba Kanda ya Kaskazini imewataka wananchi kuacha Tabia ya matumizi ya dawa kiholela  bila kupata vipimo kutoka kwa Wataalamu wa afya ili kupunguza Vifo vitokanavyo na usugu wa Vimelea vya magonjwa dhidi ya Dawa.

 

Hayo Yamesemwa na Mkaguzi wa dawa na Vifaa tiba Kanda ya kaskazini (TMDA) Dkt.Itikija Mwanga wakati akitoa elimu juu ya wiki ya Kidunia ya Kuongeza uelewa kuhusu Usugu wa Vimelea vya Magonjwa dhidi ya Dawa Habari Maalum Media.

 

Dkt. Itikija amesema ili Kuepukana na vifo vitokanavyp na  Usugu wa Vimelea vya Magonjwa dhidi ya Dawa ni vema maeneo ya Makazi ya watu kuwa safi na salama muda wote ili kuondoa Bakteria ambao wamekuwa chanzo cha Vimelea Hivyo kutengeneza usugu.

 

Augustino Malamsha afisa Elimu kwa Umma  kanda ya Kaskazini (TMDA) ametoa wito kwa wananchi kuzingatia matumizi sahihi ya dawa kwani kutumia dawa kiholela ni njia mojawapo inayoweza kupelekea usugu wa vimelea dhidi ya dawa na Kuchangia vifo kwa Jamii. 

 

Hata hivyo Inaelezwa kuwa uchunguzi wa Tatizo la usugu wa vimelea vya magonjwa dhidi ya dawa kwa mujibu wa WHO wamesema kwamba watu milioni 1.27 hufariki dunia kila mwaka kwa tatizo Usugu wa Vimelea vya Magonjwa dhidi ya Dawa.