Watu 10 wameuawa na wengine watano kujeruhiwa katika
shambulizi la risasi nje ya kanisa la Mar Mina wilayani Helwan, kusini mwa mji
mkuu wa Misri, Cairo.
Taarifa iliyotolewa na wizara ya mambo ya ndani ya nchi hiyo
imesema, mshambuliaji mmoja aliuawa na mwingine kutoroka kwenye eneo la tukio
kwa kutumia pikipiki, na kwamba askari polisi wawili waliuawa katika majibizano
ya risasi.
Wizara ya afya ya Misri imesema, majeruhi wawili kati ya watano wako
kwenye hali mbaya.
Kikosi cha kutegua mabomu kimetegua mabomu mawili yaliyotegwa
karibu na kanisa hilo.
Hakun kundi lililokiri kuhusika na shambulizi hilo.
No comments:
Post a Comment