Papa amekutana na Rais Juan Evo Morales Ayma wa nchi ya Bolivia

By Method Chaz Sunday, 17 December 2017

Share Tweet Share Pin Email

 

Baba Mtakatifu Francisko  amekutana na kuzungumza na Rais wa nchi ya Bolivia mjini Vatican, Bwana Juan Evo Morales Ayma ili kuimarisha ushirikiano  na taifa hilo.

Mara baada ya mkutano huo amekutana na Katibu wa Vatican Kardinali Pietro Parolin, akisindikizana na Katibu mkuu wa mambo ya nchi za nje na ushirikiano wa kimataifa mjini Vatican Askofu Mkuu Paul Richard Gallagher. 

Katika mazungumzo yao wameonesha furaha kuhusu uhusiano mwema na  mshikamano kati ya Vatican na nchi hiyo hasa kwa mchango ambao Kanisa linachangia ili kuhakikisha maendeleo ya binadamu, jamii na utamaduni wa watu wa nchi hiyo, pia uhusiano katika Vatican na Bolivia na mada nyingine za sasa zinzohusu  pande zote mbili za nchi.