Map of Tabora Tanzania
SERIKALI Mkoani Tabora imewaagiza viongozi wa Vyama vya Ushirika vya Msingi (AMCOS) kutowapa makisio ya kilo za kilimo cha tumbaku msimu ujao wakulima ambao watashindwa kupanda miti kama Sheria na taratibu za kilimo cha zao hilo zinavyotaka ndani ya msimu huu.
Kauli hiyo ilitolewa jana na Mkuu wa Mkoa wa Tabora Aggrey Mwanri wakati wa uzinduzi wa kampeni ya upandaji wa miti kupitia Vyama vya Msingi wa Ushirika na wanachama wao ambao ni wakulima wa zao la tumbaku katika Wilaya ya Urambo na Kaliua.
Alisema kuwa Sheria zinawataka wakulima wa tumbaku kupanda miti 250 kila mwaka kwa ekari moja lakini wapo ambao kila mwaka wamekuwa hawapandi miti huku wakiendelea kuharibu mistu kwa kukata miti ikiwemo asili.
Mwanri alisema kuwa vitendo cha baadhi wakulima kukata miti bila kupanda vimeanza kusababisha baadhi ya miti ya asili kama vile mninga, mkurungu na mingine ambayo inasoko kubwa duniani kuwa hatarini kupoteza.
Mwenyekiti wa Chama cha Ushirika Msingi cha Imalamakoye Ibrahimu Kagete alisema kuwa wanachama wa Chama hicho wamenunua shamba lenye ukubwa wa ekari 100 ambazo wameanza kupanda miti.
Alisema kuwa lengo la Chama hicho ni kupanda miti katika ekari 10 kila mwaka ambapo hadi hivi sasa wameshafikisha ekari 11 na kufikisha miti 11,000 ya aina mbalimbali.
Kagete aliongeza kuwa wanacha wa Chama hicho wameshakwisha panda jumla ya miti 448,750 na kuongeza kuwa wanafanya hivyo ili kuitia wito wa Serikali na Kampuni za kuwataka kupanda miti kila mwaka kama njia ya kupata nishati ya kukwawishia tumbaku.
Alisema kuwa wanatambua kuwa bila kuwa hakuna miti hakuna tumbaku na hivyo wasipopanda miti wanaweza kusababisha kilimo cha tumbaku kufa.
Naye Afisa Ushirika kutoka Ofisi ya Mkuu wa Mkoa Fortunatus Mkoba aliwataka viongozi wa Vyama vya Ushirika Vya Msingi kuhakikisha mkulima ambaye hana bani la kisasa la kukaushia tumbaku hasiruhusiwe kulima zao hilo.
Alisema kuwa haitakuwa na maana kama watu wanapanda miti lakini mabani yanatumika katika kukaushia tumbaku ni yale yale ya kizamani na ambayo yatumia magogo na kuni nyingi.
HABARI

RC TABORA:WAKULIMA WA TUMBAKU WASIOPANDA MITI WASIPEWE MAKISIO YA KILO MSIMU UJAO

 Map of Tabora Tanzania
SERIKALI Mkoani Tabora imewaagiza viongozi wa Vyama vya Ushirika vya Msingi (AMCOS) kutowapa makisio ya kilo za kilimo cha tumbaku msimu ujao wakulima ambao watashindwa kupanda miti kama Sheria na taratibu za kilimo cha zao hilo zinavyotaka ndani ya msimu huu.
Kauli hiyo ilitolewa jana na Mkuu wa Mkoa wa Tabora Aggrey Mwanri wakati wa uzinduzi wa kampeni ya upandaji wa miti kupitia Vyama vya Msingi wa Ushirika na wanachama wao ambao ni wakulima wa zao la tumbaku katika Wilaya ya Urambo na Kaliua.
Alisema kuwa Sheria zinawataka wakulima wa tumbaku kupanda miti 250 kila mwaka kwa ekari moja lakini wapo ambao kila mwaka wamekuwa hawapandi miti huku wakiendelea kuharibu mistu kwa kukata miti ikiwemo asili.
Mwanri alisema kuwa vitendo cha baadhi wakulima kukata miti bila kupanda vimeanza kusababisha baadhi ya miti ya asili kama vile mninga, mkurungu na mingine ambayo inasoko kubwa duniani kuwa hatarini kupoteza.
Mwenyekiti wa Chama cha Ushirika Msingi cha Imalamakoye Ibrahimu Kagete alisema kuwa wanachama wa Chama hicho wamenunua shamba lenye ukubwa wa ekari 100 ambazo wameanza kupanda miti.
Alisema kuwa lengo la Chama hicho ni kupanda miti katika ekari 10 kila mwaka ambapo hadi hivi sasa wameshafikisha ekari 11 na kufikisha miti 11,000 ya aina mbalimbali.
Kagete aliongeza kuwa wanacha wa Chama hicho wameshakwisha panda jumla ya miti 448,750 na kuongeza kuwa wanafanya hivyo ili kuitia wito wa Serikali na Kampuni za kuwataka kupanda miti kila mwaka kama njia ya kupata nishati ya kukwawishia tumbaku.
Alisema kuwa wanatambua kuwa bila kuwa hakuna miti hakuna tumbaku na hivyo wasipopanda miti wanaweza kusababisha kilimo cha tumbaku kufa.
Naye Afisa Ushirika kutoka Ofisi ya Mkuu wa Mkoa Fortunatus Mkoba aliwataka viongozi wa Vyama vya Ushirika Vya Msingi kuhakikisha mkulima ambaye hana bani la kisasa la kukaushia tumbaku hasiruhusiwe kulima zao hilo.
Alisema kuwa haitakuwa na maana kama watu wanapanda miti lakini mabani yanatumika katika kukaushia tumbaku ni yale yale ya kizamani na ambayo yatumia magogo na kuni nyingi.

No comments:

Post a Comment

Subscribe to: Post Comments (Atom)