Palestina yailaani Israel kupitisha mswada wa kuimarisha udhibiti wa Jerusalem

By Method Chaz Wednesday, 3 January 2018

Share Tweet Share Pin Email

 

Palestina imelilaani bunge la Israel kupitisha mswada wa sheria inayolenga kuimarisha udhibiti wa Jerusalem, na kuitaja kuwa ni "haramu".

Msemaji wa Ikulu ya Palestina amesema mswada huo uliopitishwa na bunge la Israel na uamuzi uliotangazwa na rais Donald Trump wa Marekani kuhusu kuutambua Jerusalem kuwa mji mkuu wa Israel, wote ni "haramu", na ni hatua ya kutangaza vita dhidi ya wapalestina.

Msemaji huyo pia amesisitiza kuwa mipango yoyote ya kisiasa isiyohusisha suala la Jerusalem haitafanikiwa.

Mswada huo unaagiza kuwa, mabadiliko yoyote yatakayofanywa na serikali ya Israel kuhusu hadhi ya Jerusalem, yanahitaji zaidi ya theluthi mbili ya kura za wabunge. Wachambuzi wanaona hatua hiyo itaimarisha udhibiti wa Israel kwa Jerusalem.