Nchi za afrika zatakiwa kufikiria kuuza umeme kwa nchi zenye uhaba wa umeme

By Method Chaz Friday, 7 September 2018

Share Tweet Share Pin Email

 Na Method charles

 

Wataalamu wa masuala ya nishati kutoka nchi za kusini kwa jangwa la Sahara wamekutana jijini Arusha kujadili upatikanaji endelevu wa nishati mbalimbali katika nchi hizo na kuangalia namna ya kufanya biashara kwa nchi wanachama ili kutatua tatizo la uhaba wa nishati. 

Meneja miradi kutoka Tanesco Steven Manda ameyasema hayo katika mkutano huo ambapo amesema lengo ni kuangalia jinsi ya kuhakikisha nishati endelevu inapatikana katika nchi hizo. 

Kwa upande wake meneja udhibiti wa nishati nchini Switzerland Wilson Masango amesema kuwa nchi za Afrika zinapaswa kufikiria juu ya kuuza umeme ambao huzalishwa ili kuziba lengo kwa nchi zenye uhaba wa nishati. 

Naye MKURUGENZI mtendaji wa kampuni ya Songas Nigel Whittaker amesema kuwa kampuni hiyo itaendelea kushirikiana na tanesco ili kuhakikishi watanzania wanapata nishati kwa gharama nafuu.