Alicho kizungumza Rais wa Mtandao wa Wasanii wa injili Tanzania TAGOANE

By Method Chaz Friday, 7 September 2018

Share Tweet Share Pin Email

Na  Jusline Marck

Rais wa mtandao wa wasanii wa injili Tanzania TAGOANE Dkt. Godwin Maimu Nyaka amewataka waimbaji wa nyimbo za injili kujiwekea akiba ambayo itawasaidia kujikwamua kiuchumi na kuwawezesha kumuhubiri Mungu.

 Dkt. Nyaka ameyasema hayo wakati alipokuwa mgeni rasmi katika uzinduzi DVD ya muimbaji wa nyimbo za injili Magreth Laizer iliyofahamika kwa jina la UHIMIDIWE ambapo ameeleza kuwa bado waimbaji wengi wa nyimbo za injili wanaishi maisha ya kuungaunga kutokana na kipato kidogo walichonacho. 

Aidha amesema kuwa kupitia TAGOANE watahakikisha wanaisajili kazi ya muimbaji hiyo katika baraza la taifa. 

Kwa upande wake Magreth Laizer mwimbaji wa nyimbo za injili wa kujitegemea kutoka katika kanisa la KKKT Ushirika wa Suye amesema kuwa lengo la uzinduzi huo ni kupata fedha zitakazo muwezesha kusonga mbele katika huduma ya uimbaji.